新聞標題【民報】【台語世界/錄音】彼號話(Hit-lō-uē)
寄件人 E-mail
收件人 E-mail

【台語世界/錄音】彼號話(Hit-lō-uē)

 2018-11-07 11:54
人問你是按怎欲用海翁來kā家己號名,你心內可能有幾若个理由,毋過你知影對方根本毋是真正欲了解,就會當應講:「啊就因為hit-lō-heh,所以按呢號」;過去,台語本身是禁忌;這馬,這个語言ê名字煞嘛變做禁忌。示意圖/取自Pixabay
人問你是按怎欲用海翁來kā家己號名,你心內可能有幾若个理由,毋過你知影對方根本毋是真正欲了解,就會當應講:「啊就因為hit-lō-heh,所以按呢號」;過去,台語本身是禁忌;這馬,這个語言ê名字煞嘛變做禁忌。示意圖/取自Pixabay

是按怎behtsit篇:
現時ê環境--裡,behsak本土語言,其中一項困難,suah是語言ê名稱。本文作者舉幾若个例,解sueh名稱kap區域無tsiâu對對ê關係,lánêkheh tī「壓迫者」kap「相對弱勢者」之間,號啥mihto ē有人講話,tsitbē-tàng講出名字ê語言,規氣號做「Hit號話」?

一位台語界差不多逐家攏熟似ê sia̋n-pái真愛講一个詞:「hit-lō-heh」,便若拄著毋知按怎解說、無想欲解說、抑是欲解說予清楚會真費氣ê時陣,就會當用「hit-lō-heh」來代替。

比論講,人問你是按怎欲用海翁來kā家己號名,你心內可能有幾若个理由,毋過你知影對方根本毋是真正欲了解,就會當應講:「啊就因為hit-lō-heh,所以按呢號。」抑是人質疑你支持ê候選人,問你是按怎欲thīn--伊,你知影對方只是想欲kā你唱聲,你嘛會當應講:「伊就真hit-lō-heh啊,所以我kā支持。」按呢來kā對話結束。

近來(其實是一直以來),照講是台灣上濟人使用ê語言,因為外來政權ê壓迫,致使伊咧欲佇這塊土地頂面消失--去,佳哉開始有真濟人要意、想欲kā救,嘛要求政府愛有作為ê時陣,這个語言其中一个大問題,煞是伊ê名稱。

咱袂認為「臺灣大學」獨占「臺灣」兩字,咱袂認為「臺南」侵犯高雄佮屏東正港南爿ê地位,咱嘛袂質疑有幾若種語言存在ê英國是按怎kan-na英語會當叫做英語。偏偏這个照講是台灣上濟人使用ê語言,煞袂當用「台灣」這兩字,喔,嘛袂當用「台」這字。

過去,這个語言本身是禁忌;這馬,這个語言ê名字煞嘛變做禁忌。對要意這个語言ê人來講,復振這个語言,佮人權、尊嚴有關係,tann煞予人要求愛佇「壓迫者硬kā你改ê名」佮「相對弱勢者因為討厭--你kā你號ê名」其中選一个,無,就是沙文、就是霸權。

無,按呢--啦,規氣,咱叫伊「彼號話(Hit-lō-uē)」,毋但毋免佇兩个漚名內底選一个,嘛佮「相對弱勢者因為討厭--你kā你號ê名」足倚音--lioh。

其實,逐家攏是台灣人,講實在--ê,「台灣」兩字做逐家提去用,無人欲獨占--啦,只是有一寡人較tsia̍p用爾爾。

hōo你聽:

(作者是台灣母語聯盟理事;本文由台灣母語聯盟提供。)
註:本文使用教育部推薦漢字kap台羅,一寡字詞ê語音kap語意thang上教育部台灣閩南語常用詞辭典查詢。

延伸閱讀:
【台語世界/錄音】Siáng ê語言沙文意識?
【台語世界/錄音】Kan-tann客家ē-sái放火? 

若beh投稿,請寄:binpotgb@gmail.com,文章字數 600~800;文章若採用,有淡薄仔稿費。
請上【台語世界】閱讀koh-khah濟相關文章。


專欄屬作者個人意見,文責歸屬作者,本報提供意見交流平台,不代表本報立場。

相關新聞列表
留言板