新聞標題【民報】【台語世界/錄音】人面冊,想欲貼啥物?
寄件人 E-mail
收件人 E-mail

【台語世界/錄音】人面冊,想欲貼啥物?

 2017-12-18 10:57
人面冊是一个經營家己、自我宣傳推銷的管道,這馬的人想欲熟似--你,毋免和你見面,先佇網路Google有關你的消息,就大約仔知影你有幾兩重。
人面冊是一个經營家己、自我宣傳推銷的管道,這馬的人想欲熟似--你,毋免和你見面,先佇網路Google有關你的消息,就大約仔知影你有幾兩重。

是按怎欲揀這篇:
社群媒體是現代人交流、puânn-nuá ê重要工具,m̄-koh beh按怎用,隨人定著有無仝ê做法。除了分享生活中mihê實在幸福,若ē-tàng好好仔利用,社群媒體熟sāi有仝款理念、thang鬥陣拍拚ê有志,是真「讚」ê代誌!

參加研討會了,看著你認真整理筆記,phoo(英語「post」)去人面冊(Facebook)hông分享七十四擺,造成真大的回響,一寡大人物想欲來熟似--你。我真好奇,你講因為認真的人無濟,認真閣無私心的人嘛無濟,認真無私心、閣會用心分享的人更加閣較少,有心的人若看著認真、願意分享、文筆閣好的人才,當然想欲來熟似。

有人想欲約你食飯,有人欲倩--你,有人透過人面冊想欲佮你做朋友,目一下nih規陣人想欲揣--你,某一種程度確實會淡薄仔困擾,毋過我心內猶是替你感覺歡喜,因為你是遐爾仔拍拚,這馬有無仝的人看著你認真閣優秀的表現,是真好的代誌。

人面冊是一个經營家己、自我宣傳推銷的管道,這馬的人想欲熟似--你,毋免和你見面,先佇網路Google有關你的消息,就大約仔知影你有幾兩重。

是講現在人面冊的觀眾佮族群有這款的現象:

文章傷長──貧惰看。影片傷久──頭前無夠趣味,後壁就免講--矣;或者是跳--一-下、閬--一-下,看幾若秒無興趣就關--矣。相片回應的效果上緊──直接共伊揤「讚」,就算足無內容的相片,揤「讚」的人猶是比「有想法的文章、影片」較濟真濟。

並毋是欲計較有偌濟个「讚」,
第一,對遮thang知一般大眾所興的口味佮吸收資訊的深度。
第二,會正經來看你文章內容的人,甚至共你回應、討論的人,咱嘛會當就按呢了解對方的理念,知影你所表達--的有予人用心看待--無。伊是啥物款的觀眾族群,對這點就看會出--來。

對我來講,我感覺愛較捷分享--的毋是一堆食--的、耍--的,這佇人面冊頂懸已經袂少囉。反倒轉--來,家己生活的小成果,無論是看展覽的內容、閱讀整理、對代誌的感想、寫文章分享,會予我有一直一直咧向前行,有咧進步的感覺。透過資料整理,自我回想佮反省,家己本身會當進步,寫出來分享、提供討論,甚至會有原本想袂到的回應。有建設性的討論,關注對共同議題有趣味的朋友,逐家才會做伙共同成長。

讀予你聽:

(作者是台師大台灣語文學系碩士生;本文由台灣母語聯盟提供。)

註:本文使用教育部推薦漢字kap台羅,一寡字詞ê語音kap語意thang上教育部台灣閩南語常用詞辭典查詢。

延伸閱讀:
【台語世界/錄音】電子化時代ê台語處境
資策會社群網站研究:台灣人最愛FacebookLineIGDcard使用者偏年輕(關鍵評論)

若欲投稿,請寄:binpotgb@gmail.com,文章字數 600-800;文章若採用,有淡薄仔稿費。
請上【台語世界】閱讀閣較濟相關文章。


專欄屬作者個人意見,文責歸屬作者,本報提供意見交流平台,不代表本報立場

相關新聞列表
留言板