新聞標題【民報】【一疊照片】熱天ê鼓吹
寄件人 E-mail
收件人 E-mail

【一疊照片】熱天ê鼓吹

張良一攝影專欄

 2017-05-08 10:16

即暫仔佇淡水忠寮和埤島遐散步,行無規步路,無論是佇田園,或者是厝邊,攏會看到一欉擱一欉ê鼓吹花,一蕊一蕊相連紲開kah足媠ê!一个作穡ê歐吉桑佇伊ê田園種足濟、足濟ê鼓吹花,伊講,鼓吹花猶未大出啦,叫阮後禮拜閣過來看,規田園ê鼓吹花欲開kah滿滿是,會閣kah媠!

阮拄著彼个歐吉桑已經無咧種作,無拘,伊佇伊ê田裡種七百外蕊ê鼓吹花,伊種ê花並無提去市仔賣,伊種鼓吹花予逐家看媠、看免錢,實在予人足感心!阮恬恬踞佇伊ê田裡翕相,身軀邊攏是媠噹噹ê鼓吹花,我感覺著花ê恬靜、素雅和清芳,實在有夠讚。即規工轉來台北上班,雖然真無閒,無拘,若是雄雄去想著埤島彼大爿ê鼓吹花,心肝頭就有一種幸福ê感覺湧出來!

啊,足想欲趕轉去淡水看遐ê媠花!

百合花,因為伊ê外型親像鼓吹,有人kah伊號作「喇叭花」或者是「鼓吹花」。阮真佮意鼓吹花這个名,怹佇田裡,那親像用大大ê鼓吹咧kah樹仔、鳥仔、人啦、蟲啦大聲放送:熱天來囉!熱天來囉!

淡水埤島 2008

華語對譯:

這陣子在淡水忠寮和埤島那裡散步,總是才走幾步路就發現,不論是在田裡,或者是住家旁邊,都可以看到一叢又一叢的百合花,一朵接著一朵接盛開著,真是漂亮!一個種田的歐吉桑在他的田裡種了很多的百合花,他說,百合花還沒有完全盛開,他叫我下星期再過來,整個田裡的百合花將完全盛開,會更漂亮!

我遇見的那個歐吉桑已經沒有再種作了,不過,他在他的田裡種了將近七百朵的百合花,他種的花並沒有拿去市場賣,就只是讓大家免費欣賞那些美麗的百合花,實在讓人很感動!我靜靜的蹲在他的田裡拍照,身邊盡是美麗的百合花,我感覺到百合的恬靜、素雅和清香,實在有夠讚。這幾天回來台北上班,雖然工作很忙,不過,偶而想起埤島那一大片百合花,心裡就浮現出幸福的感覺!

 啊,真想快快回去淡水,看看那些美麗的百合花!

百合花,因為她的外型很像喇叭,有人也把她叫做「喇叭花」或是「鼓吹花」。我很喜歡台灣話「鼓吹花」這個名字。她們在田裡,好像用大大的喇叭向那些大樹、鳥雀、人啦、蟲啦大聲的放送:夏天來囉!夏天來囉!

淡水埤島 2008 

相關新聞列表
留言板