新聞標題【民報】【民報書摘】高雄二二八
寄件人 E-mail
收件人 E-mail

【民報書摘】高雄二二八

2021-01-12 16:00
作者:文/吳家銘 編者/陳豐惠、賴昭男
譯者:
出版社:台語傳播企業有限公司
出版日期:2020-11-18
官方網址:

繪本開頭,作者描述台灣人對中華民國的期待與失望,話鋒一轉,台北發生了查緝私菸的意外,台灣人對政府累積的不滿一觸即發,衝突隨即遍及整個台灣。高雄因為軍事基地駐守,很快便發生了武裝鎮壓。高雄仕紳成立委員會希望能與軍方和平解決,不料軍方不接受談判,反而兵分三路擴大鎮壓,造成高雄市民嚴重死傷,愛河和西子灣出海口,竟染成了一片血紅。

二二八是台灣現代史中的關鍵事件,轉型正義的議題儘管嚴肅,卻是民主素養教育不可或缺的一環。近十年來,觸及白色恐怖相關議題的兒童繪本不在少數,其中也有部分繪本推出台語版的錄音,然而,在書市強勢的華文環境下,直接用台語文字呈現,講述這段歷史的繪本付之闕如。本書作者吳家銘描述二二八事件中高雄鎮壓的慘況,透過台語文的再現,彷彿更能體會當下的緊張氣氛。

作者ê話

Ē寫chit本畫本故事ê緣故講--起-來真簡單mā真悲哀,因為chín ê學生koh濟濟人對二二八事件完全無了解,甚至講是日本人拍台灣人,你就知影「支那」殖民政府ê思想教育偌成功,到taⁿ mā無改變偌濟。台灣人ài知影家己ê文化歷史、高雄人ài了解打狗,是我bat代誌了後堅持ê價值觀,致使我注心讀台灣學,學台文、寫台文,台灣人請lín做伙來án-ne做。Chit个故事kap一般kan-na去講受害者--ê無仝,內底有寫兇手ê名,想beh提醒逐家,轉型正義上要緊--ê就是處理加害者kap後壁ê共犯結構。Ē特別用受害者ê語言寫chit个歷史,mā是我一直想beh hō͘逐家思考--ê,mài koh用加害者ê語言teh講lán家己ê歷史,che對hia-ê受難ê人來講,根本是一種侮辱,koh一擺kā in凌治。Beh使用白話字,mā是尊重、thn̂g湠lán家己ê文化歷史。轉型正義上要緊頭一層,就是語文ê轉型正義,使用lán家己ê母語語文,mài koh用殖民者ê語文,che是上簡單每一个人家己就做ē到ê代誌。自án-ne,台灣人chiah有可能chiâⁿ做「Tâi-oân-lâng」,ǹg望chit工趕緊來到。

(Tsit篇ê羅馬字用傳統白話字)

推薦文

做伙熟sāi lán ê歷史

文/林昶佐(立法委員)

台灣tsit塊土地頂,有各種豐富多元ê歷史文化故事,但是為啥mi̍h台灣囡仔suah tiānn-tiānn是聽國外ê故事大漢?有ê時tsūn,連大人mā lóng m̄知影家己生活ê土地發生過啥mih代誌。

《高雄二二八》是hōo大人kap囡仔做伙熟sāi家己國家ê好冊。用台灣ê語言,了解台灣ê故事,án-ne tsiah是真正風神ê台灣囡仔!

Sann-kap來了解高雄ê故事

文/陳乃嘉(高雄人、「台語路台語親子共學團」成員)

二二八,對不止仔濟ê學生來講,凡勢ē kā當做kan-na是一个ē-tàng歇睏ê日子niâ;m̄-koh對一寡老大人來講,he顛倒是一个想--起-來ē真痛苦、m̄願講--出-來ê記持。

你kám bat經過高雄火車頭、雄中、舊市政府?你kám知影tī tsit幾个所在,bat發生過啥mih hōo高雄人tsiok悲傷ê代誌?

自細漢我就bat聽guán老爸講過「舊市政府kap雄中tī二二八ê時tsūn,有tsiânn濟人tī hia死--去」,m̄-koh iáu是m̄知影hit-tsūn到底是發生啥mih代誌;大漢了後,tsiah知影原來我ê家鄉有tsit段hiah-nī傷心ê過去。

當然tsit-má lán真簡單就有法度去揣著tsiok濟「史料」,但是he kám就是客觀、完整ê「史實」?Koh是後代人對佗一種角度ê「史觀」去開拆--ê?Ǹg望少年朋友ē-tàng斟酌去思考。Lán ē-tàng m̄免永遠khioh恨,m̄-koh lán永遠bē-tàng kā歷史放bē記--得。Ǹg望逐家做伙來讀tsit本《高雄二二八》,sann-kap來了解lán高雄ê歷史、lán家己ê故事。

作者簡介

吳家銘  「ChhoeTaigi台語辭典/字詞資料庫」、「PhahTaigi台語輸入法」ê開發者。

台灣人ài知影家己ê文化歷史、高雄人ài了解打狗,是我bat代誌了後堅持ê價值觀,致使我注心讀台灣學,學台文、寫台文,台灣人請lín做伙來án-ne做。


高雄二二八紀念碑與​《高雄二二八》一書。圖/擷自高雄旅遊網、台語傳播企業有限公司,民報合成

相關新聞列表
台灣10000個好物