新聞標題【民報】【台語世界/錄音】教台語的ê快樂
寄件人 E-mail
收件人 E-mail

【台語世界/錄音】教台語的ê快樂

 2021-08-18 15:40
台語課m̄-sī主科,所以會當hō͘老師有chiah大 ê 發揮空間,m̄-bián用死板 ê方式來教。圖為2019世界台語囝仔文化營,擷自台灣羅馬字協會臉書
台語課m̄-sī主科,所以會當hō͘老師有chiah大 ê 發揮空間,m̄-bián用死板 ê方式來教。圖為2019世界台語囝仔文化營,擷自台灣羅馬字協會臉書

Chit-má tī chi̍t 間國校教冊教了bōe-bái, 已經tī chia教第 3 nî--ah。

我向望koh會當留tiàm chia教,因為我教 ê 學生大部分lóng真kó͘-chui。

Sui-bóng有當時仔gín-á會加減仔káu-koài,m̄-koh che mā是四常ê代誌。

咱做老師ê人愛有耐心kā牽教,因為上重要 ê 是用”tio̍h ê 方法 ”,用chi̍t-kóa-á ín-chhōa ê 話來 hō͘ in 認真上課。

咱台語課m̄-sī主科,所以會當hō͘老師有chiah大 ê 發揮空間,m̄-bián用死板 ê方式來教。我感覺teh教 ê 時,愛kā課本內容 kap in 生活作結合,按呢in自然就有興趣beh o̍h、beh thiaⁿ。

我mā教in Lô-má-jī,用趣味ê方式hō͘ 學,吸收是上好--ê。 Tī期尾考試 koh 會考我設計ê Lô-má-jī 考試,hō͘ in快樂學Tâi-oân-jī。我teh教ê過程中 tn̄g-tio̍h chiah-nī kó͘-chui ê gín-á mā是真幸福--ah!雖罔gín-á台語無啥liàn-tńg,m̄-koh只要有hō͘伊練習 ê 機會,就加減會進步。

Siōng 重要ê是,in會當kah-ì台語課,siōng hō͘ 歡喜較要緊—lah!Che就是我教台語教台語 ê 快樂!

台灣字(白話字)版

Chit-má tī chi̍t keng kok-hāu kà-chheh kà liáu bōe-bái, í-keng tī chia kà tē 3 nî--ah.

Góa ǹg-bāng koh ē-tàng lâu lo̍h-lâi tiàm chia kà, in-ūi góa kà ê ha̍k-seng tāi pō͘-hūn lóng chin kó͘-chui.

Sui-bóng ū tang-sî-á gín-á ē ke-kiám-á káu-koài, m̄-koh che mā-sī chin sù-siông ê tāi-chì.

Lán chò lāu-su ê lâng ài ū nāi-sim kā khan-kà, in-ūi siōng tiōng-iàu ê sī iōng” tio̍h ê hong-hoat ”, iōng chi̍t-kóa-á ín-chhōa ê ōe lâi hō͘ in jīn-chin siōng-khò.

Lán Tâi-gí khò m̄-sī chú-khó, só͘-í ē-tàng hō͘ lāu-su ū chiah tōa ê hoat-hui khong-kan, m̄-bián iōng sí-pán ê hong-sek lâi kà. Góa kám-kak teh kà ê sî, ài kā khò-pún lōe-iông kap in seng-oa̍h chò kiat-ha̍p. Án-ne in chū-liân tō ū hèng-chhù beh o̍h, beh thiaⁿ.

Góa mā kà in Lô-má-jī. Iōng chhù-bī ê hong-sek hō͘ o̍h, khip-siu sī siōng hó--ê. Tī kî-bóe khó-chhì koh ē khó góa siat-kè ê Lô-má-jī khó-chhì. Hō͘ in khoài-lo̍k o̍h Tâi-oân-jī.

Góa teh kà ê kòe-têng tiong tn̄g-tio̍h chiah-nī kó͘-chui ê gín-á mā-sī chin hēng-hok--ah!

Sui-bóng gín-á Tâi-gí bô siáⁿ liàn-tńg, m̄-koh chí-iàu ū hō͘ i liān-si̍p ê ki-hōe, tō ke-kiám ē chin-pō͘.

Siōng tiōng-iàu--ê sī, in ē-tàng kah-ì Tâi-gí khò, siōng hō͘ hoaⁿ-hí khah iàu-kín--lah! Che tō-sī góa kà Tâi-gí ê khoài-lo̍k!

讀hōo你聽:


文章屬作者個人意見,文責歸屬作者,本報提供意見交流平台,不代表本報立場。

相關新聞列表
鮮好購